Kiço Londo: ”Ja pse sjell si regjisor të njëjtën vepër pas 20 vitesh”

I ftuar në emisionin e Da’Sara Show në televizionin Tema regjisori i njohur Kiço Londo ka folur për rikthimin e veprës në teatër pas plot 20 vitesh “Mbretëresha e bukurisë nga Leenane”

“Mbretëresha e bukurisë nga Leenane”, e shkruar nga autori Martin McDonagh, u ngjit në skenë për herë të parë nga kompania e Druid Theatre në Galluej, Irlandë, më 1 shkurt 1996. Ngjarja, e vendosur në malet e Konemarës në kontenë Galluej të Irlandës, rrëfen historinë me nota të errëta komike të Morin Folanit, një grua e zakonshme dhe e vetmuar në të dyzetat, dhe të nënës së saj manipuluese, Meg. Ndërhyrja e Megit në mundësinë e parë dhe ndoshta të fundit të së bijës për një lidhje dashurie vë në lëvizje një tren me ngjarje sa komike, aq tmerruese, të cilat çojnë në fundin e pashmangshëm tragjik të pjesës.

“Ti duhet ende të më shërbesh mua Morin”, është klithma e Megit. Një klithëm që nën emrin e traditës vazhdon të përndjekë dhe të burgosë. Vepra është vënë me sukses në të gjitha anët e botës. Është kandiduar për çmimin “Lorenc Olivier” si vepra më e mirë dramatike për produksionin e Londrës dhe produksioni i Broduejit i vitit 1998 u kandidua për 6 çmime “Toni”, duke fituar 4. Kjo komedi tragjike vazhdon ende të shfaqet me sukses në skenat botërore.

Në bisedë e sipër ai tregon dhe arsyen se pse  e ka risjellë për herë të dytë këtë vepër duke u shprehur se “Mbretëresha e bukurisë nga Leenane” një sukses qe e evidentoi ate si regjisor ne ate kohë,ka qënë vepra e tij  më e madhe,por tashme kjo veper eshte risjelle nga elita e re teatrore duke mos vene ne diskutim virtuozitetin e aftesite e artisteve te medhenj si Yllka Mujo, Ndricim Xhepa .  Tashme pas 20 vitesh kjo vepër ka ardhur më e thellë e natyrisht duke trajtuar me gjere tema si maredhenia nene e bije, emigracioni,impotenca ne te menduar e vepruar,nacionalizmi ,feja etj.

Për më shumë ndiqni intervistën e plotë të Kiço Londo për emisionin Da’Sara Show në Tema Tv