Adele sëshpejti në ekranin e kinemasë

Ajo ka pushtuar botën e muzikës, duke rrëmbyer shumë çmime, madje edhe një “Oscar”, por Adele është e vendosur të lërë shenjë edhe në Hollywood, pasi sipas thashethemeve që kanë nisur të qarkullojnë së fundmi, ajo është në bisedime e sipër për një film, raporton “The Sun”.

Këngëtarja 29-vjeçare raportohet se ka marrë një propozim nga regjisorët e një filmi, për të cilët do ishte kënaqësi që të kishin Adele në rolin e Nancy në filmin (përshtatur nga një muzikal) e titulluar “Oliver”.

Një burim për uebsajtin është shprehur se Adele është ndjerë tepër e emocionuar për këtë rol.

“Do të jetë një rol i rëndësishëm në jetën e saj, kështu që ajo po e mendon seriozisht”, ka thënë burimi.