Adrian Gaxha flet për konfliktin me Flori Mumajesi

Adrian Gaxha ka qenë i ftuari i radhës në emisionin “Express Rozë” .Teksa ka folur për projektet e reja muzikore, është pyetur edhe për zënkën e dikurshme që kishte me Flori Mumajesin dhe marrëdhënien e tyre sot.

Përgjigja e tij ka qenë: “Ne në fakt nuk kemi patur ndonjë kontakt me njëri- tjetrin as para zënkës. Gjithmonë e respektoj, është producent i mirë, këngëtar i mirë, këngët i ka super dhe…kaq. Hiqe…”, ka përfunduar përgjigjen Adriani. Dukej qartaz që ndihej shumë në siklet teksa fliste për këtë temë.

Gaxha dhe Flori Mumajesi u përfshinë në një konflikt  pasi ky i fundit e akuzoi këngëtarin nga Kosova se këngën “Ngjyra e Kuqe” me të cilën  mori pjesë tek Kënga Magjike, e kishte krijuar duke vjedhur vijën melodike të këngës së tij “Tallava”. Pas kësaj Gaxha reagoi shumë ashpër duke e quajtur producentin Mumajesi ‘gay’. Siç duket edhe pse ka kaluar kohë, marrëdhënia e tyre mbetet e njëjtë.