Aktori shqiptar me një rol në serialin e Netflixit, “The break with Michelle Wolf”
Së shpejti, një ndër humoristet më të mira amerikane Michelle Wolf vjen ne një nga komeditë më të spikatura në Netflix, “The break with Michelle Wolf”‘.
Në disa prej episodeve të komedisë luan edhe Marko Caka, si një nga miqtë e saj të ftuar.
Aktori shqiptar në një prononcim për Telegrafin ka pohuar se ndjehet i privilegjuar për rastin e dhënë prej aktores më të madhe të filmave komedi.
“Është një kënaqësi e privilegj i madh të jesh pranë një nga aktoreve më të mëdha të komedisë amerikane, Michelle Wolf, sidomos në episodin ku ajo bashkë me miqtë e saj përmes të monologut të saj e batutave satirizuese, dënon rastet e abuzimit seksual, si “Me too” “Edhe unë. gjithashtu!”, tha Caka.
Theksojmë se në qendër të vëmendjes së komedisë janë mesazhet kundër abuzimeve seksual, e cila së fundi është në qendër të vëmendjes së industrisë së filmit hollivudian, ku për ngacmime seksuale po akuzohen disa prej producentëve.
Kujtojmë se premiera episodit të serialit të famshëm do te shfaqet në Netflix më 27 Maj të këtij viti.
Share Post
