Albumi i ri i The Weeknd zbulon një detaj, artisti i kishte ofruar veshkën e tij Selena Gomez

The Weeknd mbrëmjen e kaluar nxorri në treg albumin e tij më të ri muzikor të titulluar “My Dear Melancholy” dhe fansat falenderojnë Selena Gomez për frymëzimin.

Në këngën e parë të këtij albumi “Call Out My Name”, artisti kanadez zbulon detaje nga lidhja e tij me Selenën dhe shprehet se ende është i dashuruar me të.

Një frazë e këtij teksi shkruan: “Thuajse hoqa një pjesë të trupit tim për jetën tënde” dhe publiku është shokuar duke menduar se The Weeknd i ka ofruar këngëtares veshkën e tij në mënyrë që t’i shpëtonte jetën nga “Lupus” dhe ata të ishin bashkë përgjithmonë. Kujtojmë se muaj më parë 24-vjeçarja i’u nënshtrua një transplanti të veshkës, organi i së cilës u mor nga shoqja e saj e ngushtë Francia.

Qindra komente në rrjetin social Twitter po flasim për këtë album të artistit dhe sesi Gomez e ka shfrytëzuar The Weeknd vetëm që të tërheqë vëmendjen e Justin Bieber.