Aurela Gaçe sjell “Met Gala-të” e saj ndër vite: “Kur e bëjmë ne quhet çmenduri kur e bën bota quhet art..”
Event i bamirësisë “Met Gala”, i konsideruar si ngjarja më e rëndësishme në kalendarin shoqëror të New Yorkut, ka tërhequr dizenjues dhe yje nga e gjithë bota. Personazhet vip të pranishëm në event tërhoqën vëmendjen me veshjet e tyre dhe ishin kryefjala e mediave rozë.
Por teksa të gjithë janë befasuar nga stili i veshjeve në Met Gala, Aurela Gaçe përmes disa postimeve në rrjetet sociale i’u tregon “Met Gala-të” e saj ndër vite. Në vitin 2001 Aurela u paraqit me një veshje bardhë e zi të krijuar nga Rezarta Skifteri, frymëzuar nga teksti i këngës së saj.
Për të vazhduar më pas me veshjet e përzgjedhura për dasmën e saj. Joni Peci dhe Geraldina Sposa u kujdesën për pamjen e saj që ashtu sikurse thotë Aurela: “të nusëronte si donte”. Nga fotot është e vështirë të bësh diferencën mes vipave të “Met Gala 2018” dhe Aurela Gaçes e cila duket vërtet mahnitëse.
Në këtë mënyrë ajo i’u “tërheq veshin” të gjithë atyre që stilin e saj dikur e kanë quajtur çmenduri ndërsa sot tendencë dhe modë. Postimi i saj evidenton dhe nxjerr në pah vlerat e stilistëve shqiptarë të promovuara më herët se “Met Gala- të e botës” por që u mungon dritarja nga mund ti shohë bota.
Share Post
