“Avengers: Infinity War”, një nga filmat më të kushtueshëm që është prodhuar deri më sot

“Avengers: Infinity War” është filmi që ka mbledhur thuajse të gjithë heronjtë e kinemasë. Një gjë e tillë nuk ishte parë kurrë më parë në asnjë univers kinematografik. Dhe, për të realizuar një projekt të tillë duhet edhe të shpenzohet shumë.

“Avengers 3” renditet i dyti për buxhetin e produksionit në listën e filmave që kanë shpenzuar më shumë në histori. Sipas “The Wall Street Journal”, prodhimi i “Avengers: Infinity War” i ka kushtuar “Marvel” 300 milionë dollarë. Kurorën e klasifikimit e mban “Pirates of the Caribbean: At World’s End”, i cili i ka kushtuar “Disney” 378.5 milionë dollarë.

Dhe sigurisht “Avengers: Infinity War” është filmi me buxhet më të lartë mes atyre të “Marvel Studios”: “Avengers: Age of Ultron” ka kushtuar 279.8 milionë, ndërsa “Captain America: Civil War”, 250 milionë.