Bebe Rexha i shpëton një aksidenti në aeroport, ja çfarë ndodhi

Vetëm pak ditë më parë Bebe Rexha u vu në fokus të mediave lidhur me paraqitjen e saj tejet joshëse dhe performancën në “Grammy Awards”.

Por sot ajo ka ndarë me ndjekësit e saj në rrjete sociale një ngjarje aspak të këndshme që ka përjetuar.
Për fat të mirë këngëtarja Rexha për pak i ka shpëtuar një aksidenti të rastësishëm rrugor.

“Thuajse u përplasa nga një taksi sot në aeroport, teksa kaloja në rrugën e këmbësorëve. Po shikoja që të sigurohesha që nuk po vinin makina të tjera drejt meje dhe ai u bë i paduruar dhe erdhi vetëm një hap larg meje me qëllim.

Kështu, mora çantën time të rëndë YSL dhe e godita makinën e tij. Isha kaq e trembur dhe e inatosur. Por duhet të bëj kujdes me nervat”, është shprehur e revoltuar përmes disa postimeve në InstaStory, këngëtarja Bebe Rexha.