Bebe Rexha pjesë e koncertit për 105 vjetorin e pavarësisë së Shqipërisë?

28 nëntori i këtij viti shënon 105 vjetorin e shpalljes së pavarësisë së Shqipërisë. Kjo datë shënohet me aktivitete të ndryshme kulturore-artistike në çdo vend ku ka shqiptarë.
Një koncert festiv me rastin e 28 nëntorit organizon edhe shoqata “Dibra” në New York, me të ftuar disa prej emrave të njohur të estradës shqiptare.

Në këtë mbrëmje gala marrin pjesë emra të njohur të muzikës shqiptare. Por ajo që bën përshtypje është fakti që Bebe Rexha e ka shpërndarë njoftimin për këtë koncert duke ngritur dyshimet se edhe këngëtarja do të jetë e pranishme në këtë event.

Meqenëse edhe organizimi është nga një shoqatë dibrane, vend prej të cilit ka prejardhjen edhe këngëtarja, nuk përjashtohet mundësia që Bebe të jetë e pranishme në këtë koncert.