Beyonce dhe Jay Z puthje në skenë si rrallëherë

Çifti i njohur i skenës, Beyonce dhe Jay Z kanë mbajtur së fundmi një koncert në New Jersey.

Për shkak të stuhisë,fillimi i koncertit ishte me vonesë, mirëpo gjithsesi fansat kanë pritur të gjithë deri në momentin kur dyshja u shfaqën në skenë.
Ata kanë bërë një hyrje spektakolare në skenë pasi ka përfunduar stuhia.

Për shkak të vonesës, shumë nga publiku më pas janë larguar, pasi kanë dëgjuar vetëm këngët e para të çiftit.
Për ta bërë edhe më emocionuese performancën e tyre, Beyonce dhe Jay Z në një moment kanë shkëmbyer puthje pasionante me njëri-tjetrin.
36-vjeçarja dukej e lumtur, teksa për të disatën herë e vërtetoi dashurinë që ka ndaj bashkëshortit, të cilën nuk e kursen as në skenë.

Më pas, çifti kanë dhuruar spektakël duke performuar para mijëra fansave disa nga hitet e tyre më të mëdha.