Beyonce femra e parë me ngjyrë që ngjitet në skenën e festivalit “Coachella”

Beyonce para mijëra fansave u shpreh se u ndje e lumtur që është femra e parë me ngjyrë që ngjitet në skenën e festivalit “Coachella”.

Beyonce ka mrekulluar publikun me pjesëmarrjen e saj madhështore. Këngëtarja 36-vjeçare ashtu siç pritej u ribashkua me grupin “Destiny’s Child” e gjithashtu këndoi edhe me bashkëshortin e saj Jay-Z.

Këngëtarja ka ndërruar veshjen e saj plot 6 herë madje ka gjetur kohë që të ndryshojë edhe ngjyrën e thonjve mes performancave. Ajo ka dhënë maksimumin e saj në këtë festival pjesëmarrjen e së cilës vitin e kaluar e anuloi për shkak të shtatzënisë.