Bieta Sulos i thyhet taka në mes të emisionit! Batuta e saj i bëri të qeshin të gjithë

Kur takat vendosin të thyen, nuk duan të dinë nëse je në rrugë, në mes të një salle apo duke prezantuar emisionin tënd live. Thjesht nuk duan! Diçka e tillë duket se i ka ndodhur dje Bieta Sulos, gjatë programit të saj “Ftesë në 5”.

“I theu këmbët shejtani. Po ju rrëfej se gjatë gjithë kësaj kohe e vetmja gjë nga e cila jam ruajtur ka qenë ndonjë rrëshkitje spektakolare. Por siç dihet, të ndodh nga s’e pret…taka që këputet.”- shkruan Bieta në llogarinë e saj të Instagram-it.

Në videon e postuar, moderatorja shfaqet me takën, që si për dreq, qe thyer e gjitha.

“Meqë jemi live dhe unë nuk e di se sa u duk në televizion, këtu i theu këmbët shejtani. Kjo që ta kuptoni se si e kam bërë ecjen gjatë kësaj kohe.”- thotë ajo e cila e kaloi me shumë sportivitet situatën e sikltshme.