Blero gati për verën, paralajmëron projektin e ri “Bingo”

Këngëtari i njohur, Blero ka treguar së fundmi se është gati për verën 2018, duke paralajmëruar kështu projektin e tij më të ri muzikor. “Bingo” mban titullin kënga e tij më e re, e cila ka përfunduar së incizuari, ndërsa pritet të publikohet këtë fundjavë.

Kënga është punuar nga Chekic Beats, ndërsa teksti është shkruar nga vetë këngëtari, ndërsa pritet që së shpejti ta finalizojë edhe me klip.
“Bingo” duket të jetë gjithashtu një këngë interesante, teksa një pjesë të vogël të saj, këngëtari e ka ndarë me ndjekësit në rrjetet sociale.

Kujtojmë që kënga e tij më e fundit mbetet “Plaga ime”, të cilën e solli në bashkëpunim me këngëtaren Fatlume Popovci.