Blero vjen me një bashkëpunim në projektin e ri muzikor

Blero pas projektit muzikor shumë interesant që solli me rastin e festës së 17 shkurtit, të titulluar “1000” ka paralajmëruar një projekt të ri muzikor ku edhe këtë herë do vijë në bashkëpunim. Blero këngën e re do ta sjellë në bashkëpunim me këngëtaren e muzikës turbo folk, Fatlume Popovci.

Kjo e fundit, synon fuqishëm tregun muzikor, ndërsa është koncentruar në muzikën folklorike dhe atë tallava. Kënga ka përfunduar së incizuari, ndërsa sipas burimeve pritet të jetë një bashkëpunim shumë i veçantë, që pret ta kalojë edhe suksesin e këngës “5”, e cila cilësohet si një ndër bashkëpunimet më të suksesshme të këngëtarit.

Blero madje thuhet se do të kujdeset për menaxhimin e këngëtares, e cila pritet që së shpejti të nënshkruajë kontratë me kompaninë e tij, “MishMash”