Cara Delevinge shkëlqen me këpucët e shndritshme të Choo
Modelja por njëkohësisht dhe aktore, këngëtare dhe autorja e novelës “Mirror, mirror”, Cara Delevinge ka preferuar të jetë sërish pjesë e modës duke shkëlqyer në fushatën publicitare të një brand-i të njohur këpucësh. Me sa duket, Cara i është rikthyer dashurisë së saj për modelingun.
Ajo është tashmë ylli i spotit publicitar të këpucëve të Jimmy Choo për vitin 2018. Modelja paraqitet në këtë spot duke ecur e sigurt në vetvete nëpër rrugët e Nju Jorkut drejt një feste dhe të sjell shpirtin e Krishtlindjeve. Ajo duket e mrekullueshme me fustanin e kuq dhe këpucët e shndritshme të Choo. Veshja e saj është një look tipik për party-t e fundvitit.
Jimmy Choo ka zgjedhur të sjellë përmes kësaj fushate publicitare shpirtin dhe shkëlqimin e pistave të vallëzimit, energjinë dhe argëtimin e festave përmes modeles së njohur britanike. Krijimet kyçe të koleksionit përfshijnë çizmet me glitter deri tek kyçi i këmbës dhe sandalet metalike.
Share Post
