Cfarë i ndodhi Jason Derulos në aeroport

Jason Derulo ka akuzuar një nga kompanitë ajrore më të mëdha të Amerikës për diskriminim racor, pas një mosmarrëveshje në lidhje me një tarifë bagazhi. Këngëtari i njohur ka quajtur të papërshtatshëm trajtimin që kishte marrë nga “American Airlines”. Konflikti ka bërë që të përfshihet edhe policia pasi Derulo kundërshtoi të paguante tarifën e bagazheve të tij.

Ai u shpreh se punonjësit në fund e trajtuan ndryshe vetëm për faktin se ishte i famshëm. Këngëtari po udhëtonte nga Miami në Los Angeles ditën e mërkurë kur ndodhi incidenti. Atij po i kërkohej të paguante një vlerë prej 4 mijë dollarësh pasi i ishin kontrolluar 19 valixhet e tij. Derulo është ankuar se një situatë e tillë nuk i kishte ndodhur kurrë më parë. Kapiteni i avionit u ka bërtitur anëtarëve të grupit të punës pasi ata u përpoqën të zbarkonin.

“Siç mund ta imagjinoni, jam i rrethuar nga 15 policë pas një situate shumë të turpshme. Unë hapa Instagram-in për ta denoncuar “live” ngjarjen dhe po prisja që gjithçka të zgjidhej derisa në një moment dëgjova disa pëshpërima. Situata e gjitha ndryshoi në momentin që ata morën vesh kush isha, pra një i famshëm”,- është shprehur këngëtari.

“Dua thjesht që të gjithë të trajtohen me respekt nga këta punonjës”.