Çifti Clooney kanë dhuruar 10 mijë $ për një kauzë të rëndësishme

Ndërsa janë në pritje për t’u bërë prindër të dy binjakëve, aktori George Clooney dhe bashkëshortja e tij Amal Clooney i dhuruan 10 mijë dollarë një qendre për qentë në California, SHBA, për të shpëtuar nëntë këlyshë që u gjetën të braktisur. “Mund ta mendoni entuziazmin tonë kur mësuam se na u dhuruan 10 mijë dollarë për qentë tanë”, thuhej në postimin në Facebook të organizatës të bërë ditën e martë.
Edhe më herët çifti ka treguar dashuri për qentë, duke adoptuar edhe një të tillë nga California’s San Gabriel Valley Humane Society për ta dhe më vonë një që ia dhuruan prindërve të Clooney.