Çifti kurorëzon dashurinë këtë verë?

Lidhja e ciftit më të përfolur të momentit sa vjen e bëhet më e fortë e serioze. Ndërkohë që janë vetëm pak muaj që kanë nisur të shoqërohen me njëri-tjetrin, duket se The Weeknd dhe Selena Gomez janë gati të hedhin hapin e rëndësishëm në jetë. Sipas disa burimeve afër artistëve ata kanë planifikuar dasmën dhe e kanë vendosur muajin.

Për revistën “InTouch” është raportuar: “Selena Gomez ka planifikuar të kurorëzojë dashurinë e saj me The Weeknd në muajin gusht”.Ky burim pretendon se çifti do të martohet, duke thënë: “Ajo ka nisur të bisedojë me miqtë e saj se do të martohet në muajin gusht pasi The Weeknd të mbarojë turneun e tij”. Sipas thashethemeve kjo dasëm do të organizohet në Venecia, por mundësitë janë gjithashtu edhe në Firence apo Paris.