Demi Lovato paditet nga Jaime Ciero

Demi Lovato është ndër këngëtaret e paditura nga këngëtari Jaime Ciero, i cili pretendon se kënga “Let It Go” nga filmi i “Disney”, “Frozen” është kopjuar nga kënga e tij, “Volar”.

Ylli 25-vjeçar ka regjistruar këtë hit muzikor pas publikimit të filmit të animuar në 2013 dhe madje e ka përfshirë këtë version në albumin “Demi”.

Tashmë Demi është përfshirë në çështjen ligjore të Ciero bashkë dhe me artistet me famë botërore, Idina Menzel, e cila ka performuar këngën për kompaninë “Tha Walt Disney”, ku Ciero ka kërkuar që të ndahen përfitimet e bëra nga ky film.