Dhjetë milionë abonentë në kanalin e YouTube, Dua Lipa: Faleminderit të gjithëve!

Sukseset për këngëtaren shqiptare me famë botërore, Dua Lipa, duket se nuk kanë të ndaluar!

Gjatë mbrëmjes së kaluar, bukuroshja korri sukses edhe njëherë në “Brit Awards”, e cila është ngjarja kryesore muzikore në Britani të Madhe.

Kjo ka bërë që këngëtarja të arrijë edhe një rekord personal sa i përket kanaleve që i ka në platformat muzikore.

Përmes rrjeteve sociale ajo ka bërë të ditur se tashmë ka dhjetë milionë abonues në kanalin zyrtar të saj në YouTube.

“Dua t’iu tregoj se më janë bërë 10 milionë abonues në YouTube”, thotë ndër të tjerash 23-vjeçarja në një video të publikuar në llogarinë personale në Twitter, ku shfaqet me një çmim të dërguar nga YouTube.

Ndërkohë, “One Kiss” i Lipës në bashkëpunim me Calvin Harris është shpërblyer me çmimin “Kënga më e mirë britanike e vitit”.

Congratulations @DUALIPA on hitting 10 million subscribers on @youtube. 💎💎💋💋 #BRITs pic.twitter.com/ByLJ3bNOMS

— YouTube Music (@youtubemusic) February 20, 2019