Dokumentar për marrëdhënien mes JAY-Z dhe Kanye West, ja kur do të shfaqet

Marrëdhënia e gjatë dhe e komplikuar midis dy prej reperave më të njohur e të dashur të publikut ndërkombëtar do të eksplorohet në dokumentarin që pritet të transmetohet në televizionin Britanik.
“Public Enemies: Jay-Z vs Kanye West” do të transmetohet në 31 korrik në Channel 4.
Në të shfaqen foto, video dhe prapaskena të kësaj marrëdhënieje, të patreguara më parë.
Bashkëpunimet mes Jay-Z dhe Kanye West kanë qenë të shumta si : “Never Let Me Down,” “Diamonds From Sierra Leone (Remix),” “Swagga Like Us,” “Run This Town,” “Monster” e të tjera. Përpos punës marrëdhënia e tyre përgjatë viteve ka qenë më shumë se thjesht dy kolegë, përkundrazi kanë pasur një miqësi të fortë.. Kjo marrëdhënie dukshëm filloi të ndryshonte vitin e fundit.
Ka pasur raportime që midis tyre tanimë ka një betejë ligjore në lidhje me paratë nga shërbimi streaming i Tidal.
Shumë nga paqartësitë në lidhje me Jay-Z dhe Kanye West do t’u jepet shpjegim pas publikimit të dokumentarit.