Drake dhe Cardi B kryesojnë listat e hiteve të verës në Spotify

Drake mund të thotë pa ndonjë problem të madh se ka qenë artisti i kësaj vere.

Pasi ishte në krye të top listës Billboard Hot 100 për shtatë javë me kërcimin viral të këngës “In My Feelings”, ishte pikërisht kjo kënga më e dëgjuar e verës në Spotify.

Kënga e Drake që ishte pjesë e albumit rekord, “Scorpion”, është dëgjuar më shumë se 393 milionë herë në Spotify.
“Girls Like You” e Maroon 5 me Cardi B është kënga e dytë më e dëgjuar e verës me 293 milion dëgjime në mbarë botën, ndjekur nga “I Like it” nga Cardi B në bashkëpunim me J Balvin dhe Bad Bunny duke mbajtur vendin e tretë.

Pos “In My Feelings” që njihet për #KikiChallenge, këngë tjera të albumit të Drake arritën të bëhen po ashtu të dëgjuara si “God’s Plan”, “Nice for What” dhe “Don’t Matter to Me”.