Drake, Kanye dhe Justin bojkotojnë çmimet Grammy për këto arsye…

Mund të jetë çmimi më prestigjoz që një muzikant shpreson të arrijë, por tashmë Grammy-t e kanë të vështirë që edhe thjesht t’i bindin të nominuarit që të vijnë në ceremoni.
Burime pranë Daily Mail bëjnë me dije se muzikantë të klasit të parë si Kanye West, Justin Bieber dhe Drake po planifikojnë të gjithë që të bojkotojnë natën e madhe të 12 shkurtit. Pavarësisht se është nominuar për 4 çmime Grammy, bëhet me dije se Bieber nuk ka asnjë qëllim që të shkojë në spektaklin e këtij viti, madje po bën plane që të jetë diku tjetër në të njëjtën ditë. Burimet rrëfyen se artisti 22 vjeçar “nuk mendon se çmimet Grammy janë të rëndësishme apo përfaqësuese, veçanërisht kur vjen puna për këngëtarët e rinj”. Atij i janë bashkuar dhe Drake me Kanye West, të dy me nga 8 nominime secili, kanë cituar të njëjtin problem me këtë event.
Arsyeja e Drake, thuhet të jetë edhe më e fortë. Pavarësisht se ai ka fituar plot 21 trofe në të kaluarën, ai asnjëherë nuk ka fituar kur ka qenë përballë një artisti të bardhë. Kjo e ka bërë atë të besojë se ka shumë racizëm.