Dua Lipa konfirmon produksionin e ri muzikor në fillim të vitit 2018

Në një intervistë të dhënë së fundmi për një gazetë braziliane, Dua Lipa ka konfirmuar lajmin për publikimin e këngës së re, e cila do të dalë në treg në fillim të vitit 2018.

“IDGAF” do të jetë kënga e 7-të e publikuar nga albumi më i ri i këngëtares Dua. Kjo këngë do të pasojë hitin e suksesshëm “New Rules”, e cila kryesoi klasifikimet muzikore në muajin gusht të këtij viti.

Lipa ka shpjeguar se videoklipi është realizuar në përputhje me këngën e cila flet për pikat e forta dhe pikat e dobëta të vetvetes që luftojnë me njëra tjetrën.