Dua Lipa në emisionin e reperit shqiptar duke gatuar ushqime tradicionale

Vetëm shqip! Gatime tradicionale shqiptare, muzikë shqiptare artistë shqiptarë. Është hera e parë që një emision në SHBA shpalos kaq shumë traditat shqiptare. Në emisionin “The United Show with Action Bronson” ndër më të shikuarit në SHBA, të Action Bronson, emri i vërtetë i të cilit është Arian Asllani, ishte e ftuar këngëtarja Dua Lila. Dua ka folur rreth traditave shqiptare, të cilat i ka mësuar nga prindërit, ndërkohë që bën pite me Action Bronson, e në disa raste flet edhe fjalë shqipe. Por të gjitha këto nuk do dukeshin kaq bukur nëse në sfond nuk do të ishte kënga popullore shqiptare “Doli Goca n’Penxhere”të cilën e sollën në mënyrë mjeshtërore këngëtarja e madhe shqiptare, Merita Halili dhe Raif Hyseni. Në emision nuk ka munguar argëtimi, ku të gjithë shijuan e kërcyen madje edhe vallen shqiptare nën ritmet e kësaj kënge.