Dua Lipa nuk di të ndalet, “rrëmben” një tjetër çmim
Dua Lipa vazhdon me sukseset e mëdha të saj, teksa së fundmi ka marrë një tjetër çmim të rëndësishëm. Ajo është certifikuar me Platinum të artë nga Warner Bros për suksesin e saj me albumin e vet-titulluar, “Dua Lipa”. Ky është certifikimi më i madh që një artist mund të marrë për një album. Po ashtu, Dua bëri të ditur se ajo ka shitur plot 4 milion kopje të singlit të saj “New Rules” në Britaninë e Madhe.
“Albumi im i vet-titulluar, Dua Lipa, është certifikuar me Platinium Gold dhe unë kam shitur katër milionë kopje të singlit në Britaninë e Madhe. Unë nuk po çmendem, ju jeni të çmendur. Ju faleminderit, ju dua”, ka shkruar Dua në një postim në rrjetin social Instagram.
Dua është artistja më e suksesshme britanike e vitit 2017 dhe kjo arritje e fundit e ka vulosur këtë epitet. Gjithashtu Dua ka shënuar sukses të konsiderueshëm në Amerikë pas publikimit të hitit “New Rules”
Share Post
