Dua Lipa bën ëndrrën realitet… ftohet të jetë pjesë e turneut të Bruno Mars

Pas Bebe Rexhës, edhe një tjetër këngëtare shqiptare do të jetë pjesë e turneut të këngëtarit Bruno Mars. Bëhet fjalë për Dua Lipën e cila do të jetë pjesë e turneut australian të këngëtarit.

Në një intervistë për “The Daily Telegraph”, këngëtarja ka zbuluar surprizën duke u shprehur se ndihej mjaft e emocionuar për këtë ftesë: “Turneu është një ëndërr që po realizohet për mua. Është kaq e pabesueshme”. Dua Lipa do performojë këngët e saj të kthyera në hite dhe që kanë pushtuar top listat muzikore në mbarë botën.