E mbajtën të fshehtë deri në momentin e fundit! Robbie Williams bëhet baba për herë të tretë
Robbie Williams dhe gruaja e tij kanë njoftuar se janë bërë prindër për herë të tretë me anë të një nëne zëvëndësuese. Çifti i famshëm bëri të ditur lajmin me anë të një postimi në Instagram me duart e gjithë anëtarëve të familjes në një foto bardh e zi:
“Pra, ne kemi mbajtur një sekret shumë të veçantë! Jemi të lumtur të ndajmë me ju lajmin se jemi bërë me një vajzë të vogël. Mirë se erdhe në botë Colette (Coco) Josephine Williams !Ka qenë një rrugë e gjatë dhe e vështirë për të arritur deri këtu prandaj e kemi mbajtur të fshehtë. Familja vjen në të gjitha format, dhe kjo zonjushë e vogël, e cila biologjikisht është e jona, ka ardhur në jetë me anë të një nëne zëvëndësuese, të cilës i jemi përjetësisht mirënjohës. Jemi të lumtur që kemi një vajzë kaq të bukur në jetën tonë dhe aq të bekuar që jetojmë në një botë që e bën këtë të mundshme. Ashtu si me Teddy dhe Charlie, ne kërkojmë që ju të respektoni privatësinë e Coco dhe të na lejoni të rrisim ekipin prej 5 vetash”, shkruhet në postimin e tyre.
Lajmi vjen si një surprizë e plotë pasi ishte mbajtur sekret fakti që çifti ishte në këtë ‘udhëtim’.
Share Post
