Ed Sheeran më i nominuari në “Mercury Awards”

Janë publikuar emrat e artistëve të nominuar sivjet për çmimet “Mercury Awards”, dhe më i nominuari ndër ta, është kantautori i famshëm botëror, Ed Sheeran.

Ai është nominuar për çmimin “Mercury Prize”, kështu kanë bërë të ditur organizatorët e ceremonisë së këtyre shpërblimeve muzikore, duke e vendosur yllin botëror të muzikës në garë, me emra dukshëm më pak të njohur të skenës.

Stormzy, Blossoms, J Hus, Dinosaur, The XX, Loyle Carner, The Big Moon, Kate Tempest, Glass Animals, Alt J dhe Sampha, janë disa prej artistëve të tjerë të nominuar për çmimin që e kap vlerën prej 32.600 dollarësh.

Ndërkaq, ceremonia do të mbahet më 14 shtator të këtij viti.

Çmimet “Mercury, të cilat konsiderohen si një lloj alternative e shpërblimeve më të rëndësishme të muzikës që janë ato “Brit Awards”, nganjëherë janë kritikuar për fokusimin në artistët me renome botërore më shumë se tek emrat e rinj dhe jo aq të njohur të skenës muzikore.