Ekskluzive/ Zana Berisha: Mashkulli më seksi i showbizit shqiptar është Capital T

Ajo do të jetë përfaqësuesja e Kosovës në garën e bukurisë që do të organizohet në Amerikë në edicionin e 68-të të Miss Universe. Bëhet fjalë për Zana Berishën, e cila në një intervistë ekskluzive në emisionin ‘Intervista Vip’ në Tema Tv, ka folur më shumë për këtë eksperiencë, emocionet para dhe pas fitores, pritshmëritë për përfaqësimin në Miss Universe në Amerikë e të tjera.

E pyetur nga prezantuesja Ajli nëse dhe ajo si femrat e tjera mendon se mashkulli më seksi është Ledri Vula ajo shprehet se: “Ledri është shumë i bukur por në preferencat e mia është Capital T”.

Njëkohësisht s’mund të mbetej jashtë vëmendjes edhe atmosfera e futbollit. Shqiptari që ka tërhequr vëmendjen e saj është Xherdan Shaqiri. E ngacmuar nga prezantuesja për faktin se ai është i fejuar Zana shprehet mes të qeshurash se nuk ka aspak lidhje.