Eleni Foureira tregon si ndihet që është shqiptare

Këngëtarja me origjinë shqiptare Eleni Foureira para pak kohësh bëri bujë me deklaratën e saj, ku rrëfente se është ndjerë gjithë kohën e diskriminuar për shkak të origjinës së saj shqiptare.
Megjithatë kjo nuk e bënë Elenin të mos ndihet krenare që është nga Shqipëria.

Në një intervistë për “Wiwibloggs” këngëtarja, që do të përfaqësojë Qipron në Eurovizion, është shprehur: “Ishte shumë e vështirë të lije Shqipërinë dhe të shkoje në një shtet të ri, ku nuk njeh asnjë, je 7 vjeç dhe duhet të nisësh jetën nga fillimi. Ishte e vështirë, por edhe shumë e bukur. Çfarë ndodhi në jetën time, më bëri mua kjo që jam. Unë jam krenare që jam shqiptare dhe jam shumë e lumtur që jam rritur në Greqi, i cili është një shtet fantastik, por jam edhe krenare që po e përfaqësoj Qipron në Eurovision”.