Emma Watson aspak e penduar që humbi një Oscar

Protagonista e “Beauty and the Beast”, Emma Watson duket se ka humbur një nga çmimet më të rëndësishmë të “Oscar’s” vetëm sepse ka refuzuar të ishte personazhi kryesor i filmit që rrëmbeu 6 çmime në Akademinë e Filmit.

Në një intervistë për “Entertainment Weekly Radio SiriusXM” ajo ka treguar se sapo i është ofruar skenari i filmit ajo e ka refuzuar menjëherë.

“Isha e detyruar të mësoja si të kalëroja, të kërceja dhe të këndoja njëkohësisht dhe provat për secilën nga këto ishin rreth 3 muaj. Nuk jam aq fleksibël sa Emma Stone gjithashtu kisha vite që prisja të isha pjesë e filmit ‘Beauty and The Beast’ ndërsa për ‘La La Land’ nuk ndjeja ndonjë emocion.” Kështu është shprehur aktorja britanike e cila më pas ka shtuar se nuk është penduar që ka humbur një çmim ‘Oscar’.