Era Istrefi në lidhje me yllin ndërkombëtar…

Era Istrefi momentalisht po përjeton periudhën më të mirë në karrierën e saj. Pas bashkëpunimit me Nicky Jam, Will Smith dhe producentin ndërkombëtar Diplo për këngën e Kampionatit Botëror, këngëtarja nuk është ndalur dhe ka filluar xhirimet për këngën e saj ‘Prisioner’.

Siç duket edhe jeta sentimentale e këngëtares po ecën aq mirë sa dhe ajo profesionale. Pak kohë më parë Era i dha fund lidhjes me menaxherin Faton Shoshi dhe mesa duket tashmë këngëtarja është në një lidhje me producentin ndërkombëtar Diplo.

Aludimet se mes tyre mund të ketë diçka kanë nisur nga komentet që Diplo i lë Erës në postimet e saj në Instagram. Në njërën prej tyre ai e pyet këngëtaren se kur do të kthehet pasi me siguri e ka marrë malli, ndërkohë në disa postime të tjera Diplo i lë vazhdimisht zemra Erës.
Kjo ka mjaftuar që fansat e Erës të fillojnë aludimet se mes tyre ka nisur një romancë e re. Ndërkohë nuk dihet nëse vërtet Era është lidhur me Diplon, pasi deri tani dyshja nuk ka reaguar mbi këto lajme.