Era Istrefi, zëri i himnit të Kampionatit Botëror Rusia 2018

Era Istrefi pati një “boom” ndërkombëtar me këngën Bon Bon të punuar nga producenti kosovar Big Bang, por duket se nuk do jetë i vetmi sukses sepse një tjetër sukses po troket në derën e saj.

Mësohet se këngëtarja do të jetë pjesë e këngës që do dëgjohet ngado në botë përgjatë një muaji të tërë sepse Era do të bëjë këngën e Kampionatit Botëror të futbollit.

Aktori dhe këngëtari i famshëm Will Smith do të këndojë me Erën në këtë projekt në të cilin producent është i famshmi DJ Deeplo, dhe xhirimet e spotit fillojnë nesër.

Kampionati Botëror i Futbollit, që mbahet çdo katër vjet këtë vit do zhvillohet nga datat 14 qershor deri me 15 korrik në Rusi, ndërsa kjo është njëra ndër ngjarjet më të ndjekura në botë, që mbledh me miliarda shikues, qofshin ose jo adhurues të futbollit.

Bukuroshja 23-vjeçare, do të jetë zëri i këtij kampionati botëror, duke bashkëpunuar me një artist ndërkombëtarisht të njohur si Will Smith, e duke u renditur në mesin e artistëve si Shakira, Jennifer Lopez, Anastacia e Jason Derulo.