Fansja e njeh më mirë Dua Lipën se ç’njeh kjo e fundit veten e saj

“Fansi kundër Artistit” është një prej pjesëve më të pëlqyera të iHeart Radio në Angli.

Dy pjesmarrësit në lojë vihen para pyetjeve të ndryshme lidhur me artistin, dhe ai që merr më shumë përgjigje, ai e njeh më mirë personazhin e njohur.

E ftuara e radhës ka qenë artistja shqiptare me famë ndërkombëtare, Dua Lipa, bashkë me fansen e saj të zjarrtë, Justine.

Pyetja e fundit që i dha edhe fitoren fanses ishte se “çfarë kishte bërë Dua në iHeartRadio në prill të vitit 2017”, dhe përgjigjen e saktë e dha Justine duke thënë se artistja e saj e preferuar kishte lexuar disa “statuse të fansave në Twitter”.

Në momentin që kjo përgjigje u dha, Dua ngeli e habitur se si fansja e saj dinte kaq shumë në detaje për të.