Fejohet Taulant Xhaka, ja fotot nga ceremonia private

Taulant Xhaka po vazhdon karrierën prej futbollisti në skuadrën më të suksesshme zvicerane të Baselit.

Krahas jetës prej një sportisti, futbollisti ka edhe një jetë private dhe sentimentale.

Tashmë dihet se 26-vjeçari është i dashuruar me bukuroshen e quajtur Arbnora.

Por, duket se gjërat kanë shkuar edhe më tutje dhe dyshja kanë vendosur ta kurorëzojnë lidhjen e tyre me fejesë.

Xhaka tashmë ka publikuar disa fotografi në llogarinë personale të Instagramit teksa ndarë me ndjekësit një prej momenteve më të lumtura në jetë.

Çifti i veshur me ngjyrat e flamurit shihen duke prerë një tortë ndërsa në gishta mbajnë unazat e fejesës.

I pranishëm në këtë ditë të lumtur të Taulantit ishte edhe Granit Xhaka, i cili me këtë rast e ka uruar të vëllanë.