“Fifth Harmony” jep lajmin e trishtë për fansat

Një lajm i trishtë ka shkuar ditën e sotme për të gjithë “Harmonizers” pasi vajzat e grupit lajmëruan se nuk do të ketë më “Fifth Harmony”.

Kanë kaluar 6 vite që nga pjesëmarrja e tyre në “X Factor” dhe tashmë Dinah, Lauren, Normani dhe Ally ndiejnë nevojën që të plotësojnë karrierën e tyre atistike solo.

Nëpërmjet një deklarate të postuar në rrjetet sociale në faqen zyrtare të grupit, ato kanë falenderuar fansat e tyre të zjarrtë për mbështetjen e gjithë këtyre viteve.

4 vajzat janë shprehur se është e domosdoshme që talenti dhe identiteti i secilës prej tyre të mos humbasë gjatë përfaqësimit të Fifth Harmony, dhe për këtë arsye do të ndahen për një periudhë të pacaktuar kohore.

Deri në fund të këtij viti ato do të përfundojnë të gjitha koncertet e tyre si grup, e më pas do nisin krijimin e projekteve solo.

Kujtojmë se dy vite më parë, Camila Cabello, një ndër zërat kryesorë të Fifth Harmony u largua pa pritur nga grupi me pretekstin se produksioni nuk e lejonte të lançonte këngët e saj origjinale.

Ikja e Camila-s ishte një disavantazh për grupin e famshëm dhe ndarja e tyre është parashikuar kohë më parë.