Filmi i njohur “THE BEACH bëhet pengesë për hyrjen në plazhin e njohur!

Filmi i njohur “THE BEACH” me protagonist Leonardo Di Capron i cili është xhiruar në plazhin e njohur Maya Bay të Tajlandës ka ndihmuar shumë rritjen e numrit të turistëve.

Por vëmendja e madhe për vendin ka çuar qeverinë që të ndalojë hyrjen, përkohësisht për tani, në plazhin e Maya Bay, që ndodhet në Ko Phi Phi Le.

Autoritetet vendore kishin filluar apelimet për t’i shpjeguar turistëve rreziqet e një fluksi shumë të madh në parajsën natyrore dhe tani ata vendosën të marrin vendime drastike për të ruajtur trashëgiminë lokale.

Gjatë dhjetë viteve të fundit, vizitorët janë rritur nga rreth 100 në ditë në mbi 3.000, një situatë që ka shkaktuar rreziqe ndaj ekosistemit delikat dhe ka transformuar pothuajse në një makth përvojën e atyre që shpresonin të admirojnë peizazhet e bukura.