Flori Mumajesi feston ditëlindjen dhe miqtë kanë për të urimet më të bukura
Këngëtari dhe kompozitori i njohur Flori Mumajesi feston sot 36-vjetorin e lindjes. Sigurisht që në këtë ditë të rëndësishme nuk kishin si të mungonin edhe urimet nga miqtë e tij .
Që në momentin kur akrepat shënuan 00:00 kanë nisur edhe surprizat për këngëtarin.
Ndonëse Flori ende nuk ka zbuluar asnjë detaj nga surprizat që ka marrë deri më tani me rastin e ditëlindjes së tij, kanë qenë miqtë e tij ata që na kanë zbuluar disa imazhe nga festa që i kishin rezervuar mbrëmjen e djeshme.
Këngëtarja Shkurte Gashi ka publikuar në profilin e saj në Instagram disa foto ku shfaqet së bashku me Florin dhe ndër të tjera ka zbuluar edhe tortën e bardhë me një çelës Sol dhe një mikrofon sipër.
Gëzuar Ditëlindjen Miku im Flori! Uroj të kesh edhe shumë vite të lumtura me shëndet të mirë duke na dhuruar dhe shumë vite emocion me muzikën që bën”, shkruan Shkurte baqshkëngjitur fotove ku shfaqet teksa përqafon mikun e saj.
Edhe antarët e grupit Threedots kanë uruar këngëtarin duke na zbuluar dhe nofkat me të cilat e thërrasin. Klajdi Haruni apo Getoar Selimi nëpërmjet urimeve të tyre na kanë zbuluar se e thërrasin vëlla kantautorin e njohur.
Share Post
