Ftohet marrëdhënia Kanye West-Donald Trump

Kanye West duket se ka fshirë të gjitha mesazhet e postuara në “Twitter” rreth takimit të tij me Donlad Trump vitin e kaluar dhe sipas raportimeve, ai nuk është i kënaqur me veprimet e presidentit të Amerikës këto dy javë që që ka marrë postin.

West u deklarua si një nga mbështetësit më të mëdhenj të Trump dhe madje ai bëri një takim me të në Trump Tower më 13 dhjetor.

Pas takimit, reperi bëri disa postime përmes të cilave u shpreh se ishte e rëndësishme të ndërtonte një komunikim të drejtpërdrejtë me presidentin e ardhshëm i cili do të sillte ndryshimin. Ai madje në këto postime shkroi edhe ato gjëra që priste që Trump do t’i përmisonte ose ndryshonte.

Pavarësisht se nuk ka një konfirmim të saktë se cila është arsyeja që reperi i ka fshirë këto postime, “TMZ” raporton se shkaku është se nuk i pëlqejnë veprimet e Trump të bëra së fundmi sidomos ndalimi i myslimanëve.