Grupi West Side Family sërish bashkë, projekti “Beso” në kujtim të Dr. Flori

Kanë kaluar tri vite që kur kantautori i njohur Dr. Flori u nda nga jeta dhe ashtu siç kishin premtuar miqtë e tij të zemrës, të cilët së bashku ishin pjesë e grupit West Side Family, kanë sjellë së fundmi projektin e tyre të fundit muzikor.

E veçanta e kësaj kënge, është se pjesë e saj është edhe Dr.Flori, me frazën e fundit që kishte arritur të incizonte në studion e tij, dhe e cila është përdorur për këtë këngë.

Muzika dhe teksti janë realizuar të gjitha nga vet grupi, ndërsa klipi është punuar nga Blackout.

Videoklipi sjell një atmosferë shprese, dhe është ndërthurur me elemente që ‘rikthejnë’ në jetë Dr.Florin përmes imazheve.