Harry Styles një nga yjet që do të performojë në Victoria Secret Show në Kinë

Kina mund të ketë ndaluar Gigi Hadid e Katy Perry, por Harry Styles do të shkelë pasarelën e “Victoria’s Secret”, për të performuar mes modeleve gjatë sfilatës që pritet të realizohet pas disa ditësh në Shangai. Sipas organizatorëve, sfilita do të jetë më madhështore se kurrë, me katër performanca të mahnitshme, sigurisht përveç parakalimit të modeleve me veshjet intime të kësaj kompanie. Një prej emrave, që tashmë etiketohet si i madh, është Harry Styles, ish anëtari i “One Direction”, i cili pranoi performimin në skenë. Bashkë me të do të jenë edhe fituesi i çmimit “Grammy”, Miguel, fituesi i “Tony” dhe ylli i muzikalit “Hamilton”, Leslie Odom Jr., si dhe sensacioni kinez Jane Zhang.