Isaac Carew reagon pas lajmit se tradhëtoi Dua Lipën: Asgjë nuk është ashtu siç duket
Ishte britanikja “The Sun”, e cila publikoi fotot e Isaac Carew, teksa shfaqej shumë pranë një vajze brune dhe po tentonte ta puthte në një klub në Londër. I menjëhershëm ishte reagimi i tij, versioni i të cilit hedh poshtë tradhëtinë e supozuar. Ai mohon se po puthte mikeshën e tij, por thjesht po përpiqej të fliste me të por ishte e pamundur si pasojë e muzikës së lartë.
“Unë nuk do të doja që ju të mendoni se Dua është në një marrëdhënie me dikë që nuk e dashuron dhe respekton atë. Ajo e para, nuk do e pranonte diçka të tillë. Unë e Dua, kemi rënë në duart e tabloidëve duke shkaktuar dramë kur nuk ka asgjë të vërtetë. Unë isha në një bar të homoseksualëve dhe po vallëzoja me një mikeshë dhe kjo gjë po portetizohet ndryshe. Nuk ishte duke u puthur dhe jam i zhgënjyer me veten se përse pranova të vallëzoj edhe për një moment të shkurtër duke pasur parasysh mënyrën si u portretizua. Ishte një klub i zhurmshëm dhe po tentoja të komunikoja me të. Mos besoni gjithçka që shihni, sepse këta njerëz paguhen për të krijuar dramë. Jemi shumë të lumtur që po kthehemi së bashku. Kemi kaluar 3 vjet e gjysmë lumturi së bashku plot besnikëri dhe dashuri dhe asnjëherë nuk u shkatërruam, sepse kemi pasur probleme të tilla, për shkak se nuk mund të jemi së bashku gjithë kohës. Për fat të mirë lëkura jonë është më e ashpër dhe dashuria është më e fortë se kjo”, është shprehur Isaac.
Share Post
