Ja kush përflitet se është i dashuri i ri i Angelina Jolie

Kanë nisur të qarkullojnë thashetheme se Angelina Jolie i është rikthyer romancës me Jared Leto. Sipas revistës “OK!”, aktorja e “Salt” dhe vokalisti i “30 Seconds to Mars” janë fotografuar në një darkë sekrete në Los Angeles pas divorcit të saj të hidhur me Brad Pitt.

“Jared i ka rikthyer buzëqeshjen në fytyrë Angelina-s”, ka thënë një burim për revistën duke shtuar se kjo është ajo çfarë aktorja ka nevojë momentalisht.

Deri tani ende nuk ka konfirmime zyrtare rreth këtyre thashethemeve të publikuar nga revista.

“Ai punon për bamirësi të ndryshme dhe përpiqet të luftojë për mbrojtjen e të drejtave të komunitetit LGBT ashtu siç edhe Angelina. Kur kjo e fundit kërkoi divorcin nga Brad ishte pikërisht ‘Joker-i’ ai që e telefonoi i pari e u interesua nëse aktorja ishte mirë.”-ka thënë një burim tjetër.

Dyshja është takuar fillimisht në vitin 1999, gjatë xhirimeve “Girl Interrupted” dhe përflitet se kanë patur një romancë para se Jolie dhe Pitt të takoheshin në “Mr and Mrs Smith”.