James Hetfield i Metallica tregoi historinë nga u frymëzua për hitin e tyre “One”

Gjatë intervistës së fundit me gazetarin David Fricke, James Hetfield, këngëtar i grupit Metallica tregoi historinë se si ai shkruajti hitin e tyre klasik, “One”.
Kjo këngë siç fansat e tyre e dinë, është inspiruar nga libri dhe filmi “Johnny Got His Gun”. Por si James u njoh me këtë libër?
Me sa duket vëllai i tij ka qenë ai që e ka shtyrë të lexojë këtë libër e të njihet me historinë e tij shumë interesante.
“Personazhi kryesor në këtë libër/film ngel pa krahë dhe këmbë, shurdhohet e verbohet dhe kjo gjë më frikësoi pa masë. Të tjerët nuk e dinë që ai është gjallë, ai nuk e di si t’ia thotë atyre. Është si një kurth shumë i madh nga ku nuk mund të dalësh.
Kështu që kur po shkruaja tekstin e “One”, e ndërkohë duke lexuar librin, ai nuk fliste dot për veten e tij…kështu që unë i dhash zë atij.
Në fëmijëri kam pasur problem me komunikimin dhe nuk arrija të shprehja nevojën për ndihmë, e kjo histori më riktheu në frikërat e mia më të mëdha.”-u shpreh David.
Në 6 dhjetor të 1988, Metallica filmoi videon e këngës “One”. E drejtuar nga Bill Pope dhe Michael Salomon videoja u xhirua në Long Beach, CA.