Jamie Foxx do të luajë rolin e Mike Tyson në filmin biografik

Jamie Foxx do të luajë rolin e boksierit të njohur, Mike Tyson në filmin biografik që pritet të publikohet së shpejti.

Vetë Tyson ka konfirmuar në një intervistë në Los Angeles,se lajmi rreth filmit biografik dhe emrit të aktorit që luajë atë është i vërtetë. “Është vendosur Jamie Foxx tani për tani. Xhirimet nuk kanë nisur akoma, por do të ketë diçka të bukur!”-është shprehur ai.

Ky film përflitet që do të ketë do të ketë si regjisor, Martin Scorsese dhe do të përfshijë disa nga ngjarjet më të bujshme nga jeta e Tyson si rënia në burg në 1992 apo ndeshjet në ring përfshirë atë në të cilën kafshoi veshin e kundërshtarit të tij.
Mike Tyson ndër të tjera theksoi se një pjesë e publikut ndoshta nuk do pëlqejnë disa prej skenave në film, por në fund të fundit ato ishin ngjarjet e jetës së tij të cilat tanimë nuk i ndryshon dot.