Jay-Z dhe Beyonce shtojnë numrin e rezidencave të tyre

Jay-Z dhe Beyonce vazhdojnë të bëjnë shpenzime marramendëse.
Sipas njoftimeve, çifti ka blerë së fundmi një rezidencë në Hamptons në një vlerë prej 26 milionë dollarë, e cila është e përbërë nga 7 dhoma gjumi, 7 banjo, të vendosura në dy hektarë tokë.

Rezidenca 12.000 metra katrore është mbi 100 vjeçare, por ka pësuar rinovime të gjera për tu modernizuar akoma dhe më tej.
Shtëpia në Hamptons shënon pasurinë më të fundit të patundshme që Jay-Z dhe Beyonce kanë blerë këtë vit. Muajin e kaluar, çifti bleu gjithashtu një tjetër shtëpi me një vlerë prej 90 milion dollarë në Bel Air.

Beyonce dhe Jay, të cilët tashmë kanë një vajzë të quajtur Blue Ivy, mirëpritën në jetë edhe binjakët Sir dhe Rumi në muajin qershor.