Jeta e Freddie Mercury në filmin “Bohemian Rhapsody”, ja vlerësimet dhe kritikat për të

“Bohemian Rhapsody” është një film biografik i vitit 2018 rreth grupit britanik Queen, dhe përqëndrohet më tepër në jetën e këngëtarit kryesor Freddie Mercury. Filmi është një sipërmarrje e përbashkët britaniko-amerikane e prodhuar nga “20th Century Fox”, “Regency i ri”, “GK Films” dhe “Queen Films”. Subjekti i filmit është shkruar nga Anthony McCarten dhe aty kemi pjesëmarrjen e yjeve të tillë si : Rami Malek, Lucy Boynton, Gwilym Lee, Ben Hardy, Joseph Mazzello, Aidan Gillen, Tom Hollander, Allen Leech dhe Mike Myers. Filmi mori kritika të ndryshme, ku pasaktësitë historike zhgënjyen një pjesë të tyre, ndërsa performanca e Malek si Merkuri mori vlerësimin maksimal.

Fillimet e grupit përkojnë me vitet 1970, ku Freddie Mercury formoi grupin Queen së bashku me shokët e tij Brian May, Roger Taylor dhe John Deacon. Në vitin 1985, grupit i kërkohet të performojë në Live Aid. Freddie i tregon grupit se ai ka AIDS dhe zotohet të dalë në skenë e të japi maksimumin.

Ideja për realizimin e një filmi të tillë është dhënë në një intervistë të BBC në vitin 2010. Por asgjë nuk ka qenë e lehtë pasi keqkuptimet mes antarëve të grupit kanë qenë të shumta.
Në gusht 2014, Whishaw u shpreh  se filmi nuk po ecte mirë dhe se kishte mjaft largime nga aktorët e kastit.  Whishaw doli nga projekti shtatë muaj më vonë dhe më pas thashethemet pasuan në vitin 2015 se Baron Cohen kishte bashkuar projektin dhe gjithashtu se Whishaw mund të kthehej. Në nëntor të vitit 2015, skenaristi Anthony McCarten iu bashkangjit projektit.

Pas premierës së shumëpritur të filmit vërshuan kritikat, një pjesë e madhe e tyre jo shumë pozitive. Disa nga mediat më në zë u shprehën:

New York Post: “Bohemian Rhapsody” ka një skenar të cekët, performanca të tejzgjatura dhe duket sikur është xhiruar në një saunë.

The Guardian: “Bohemian Rhapsody” i thur lavde Mercury-t si njeri i skenës, por nuk merret me këngëtarin në aspektin njerëzor.

Screen Crush: Në rolin kryesor, aktori Malek ka një theks të ngurtë të anglishtes britanike. Personazhi kryesor nuk shkon kurrë përtej sipërfaqes, për të shkuar në thellësi të asaj çka do të thotë të jesh në majë të famës.

The Observer: Fansat e bandës muzikore të Mercury-t e shijojnë filmin përmes rikthimit të hiteve të tij, por disa të tjerë që shpresojnë te një vlerësim i fuqishëm për këngëtarin mund të zhgënjehen.

Variety: Pavarësisht subjektit elektrizues, filmi është një biografi që në vend se të zhytet në ngjarjet e jetës së këngëtarit i shikon ato nga lart.

The Hollywood Reporter: Filmi është një biografi që favorizon përvojën shqisore mbi ekspozimin. Ai e nxjerr në pah se sa i pastër dhe elektrizues është rock&rolli.

“Bohemian Rhapsody” e pati premierën fillimisht  në Mbretërinë e Bashkuar më 24 tetor 2018 ndërsa në Shqipëri premiera pritet të jepet në 2 nëntor.