Johnny Deep “I burgosur per Art”

Ai e përdor vazhdimisht statusin e tij të famshëm për të nxjerrë në pah një numër çështjesh politike. Aktori Johnny Depp shprehu kundërshtimin për burgosjen e regjisorit ukrainas Oleg Sentsov.

Përmes një fotoje që dukej sikur ishte arrestuar, aktori 53-vjeçar dënon arrestimin e Sentsov.

Fotoja është pjesë e një fushate të re të quajtur “Të burgosur për Art”, që gjithashtu mbështetet nga Peter Gabriel dhe Tom Morello.

Hunter Heaney, bashkëthemeluesi dhe drejtori ekzekutiv i projektit, tha se fushata ka qëllim të rritë vetëdijen dhe të mbledhë para për grupin, i cili punon për të mbështetur lirinë e shprehjes.

Depp ka zgjedhur të mbështetë regjisorin Sentsov, i cili është dënuar për komplot nga një gjykatë ushtarake ruse në vitin 2015 dhe u dënua me 20 vjet burg.