Justin Timberlake kthen adoleshentin në personazh pas fotos me të

Performanca në mes të ndeshjes kombëtare të futbollit Super Bowl sjell momente të paharrueshme që shihen nga miliona njerëz mbarë botën. Këtë vit performoi Justin Timberlake, por vëmendjen e mori një djalë…

Gjatë shfaqjes, këngëtari kaloi mes turmës dhe shkoi pranë një adoleshenti për të kërcyer. Në fotografitë e publikuara në rrjete sociale, duket se Ryan McKennapërfitoi nga mundësia për të bërë selfie me superyllin.
Por në një moment duket sikur ai has probleme me telefonin. Kjo solli që në rrjete sociale të qarkullojnë meme të ndryshme.
Pas kësaj i riu arriti të kthehej në një personazh, aq sa filloi të japë intervista për emisione prestigjoze, në të cilat tregoi momentet gjatë Super Bowl, ku pavarësisht se skuadra e tij humbi, ishte një nga ditët më të bukura në jetë. Ndër të tjera ai tha se menjëherë pas fotos me Justin, telefoni i tij gati “shpërtheu” nga njoftimet dhe në Instagram iu shtuan me mijëra ndjekës.